Ликовна уметност

Со изложбата насловена „Мали интимни приказни" академскиот ликовен уметник Љупчо Бојаров ќе се претстви пред скопската публика во вторник во 19 часот во галеријата „КО-РА" во ЈУ Дом на култура „Кочо Рацин".

Во Даут пашин амам отворена е ретроспективната изложба на академскиот сликар Решат Амети со наслов „30 години уметност“.

Од денеска посетителите на Музејот на современата уметност – Скопје ќе може да ја посетат втората поставка на изложбата „Скопје одново", која во фокус го става процесот на основањето на Музејот и на неговата исклучителна меѓународна колекција.

Во рамки на второто издание на Меѓународниот фестивал за литература и илустрација за деца „Литера“, вечерва ќе биде отворена изложба на илустрации на еден од доајените на македонското сликарство, Димитар Кондовски. Изложбата ќе биде отворена во Националната галерија, објект „Мала станица“, под посебен протокол во однос на заштитните мерки против ковид-19.

На церемонијата што во среда ќе се одржи во просториите на Кинотеката на Македонија на актерот и режисер Коле Ангеловски и на костимографката Зорка Тодорова-Младеновиќ ќе им бидат врачени наградите „Златен објектив". На овој настан пригодните плакети и значките „Златен објектив" на лауреатите ќе им ги врачи директорот на Кинотека Владимир Ангелов, а слово за нивното дело ќе одржи филмологот Атанас Чупоски.

На 2 октомври во Музејот на современата уметност – Скопје ќе биде отворена групна изложба „Panic Room или скок во мислењето". Во поставката земаат учество уметниците: Искра Димитрова, Нехат Беќири, Верица Ковачевска, Нада Прља, Велимир Жерновски, Матеј Богдановски, Христина Иваноска, Јане Чаловски, Ѓорѓе Јовановиќ, Филип Јовановски, Никола Узуновски и групата ОПА. Кураторка на изложбата е Љиљана Неделковска.

„Неправилен ритам" е насловот на изложбата на дела на академскиот уметник Билјана Билбилоска што од денеска ќе биде поставена во Центарот за култура „Григор Прличев" во Охрид.