КНИЖЕВНА ПРОМОЦИЈА

Стихозбирка од Томаж Шаламун ќе биде промовирана во „Матица ексклузив“

Во мултимедијалниот културен центар „Матица екслузив“ во „Паркот на Книгите“, на 9 декември (среда) 2015 година, во 18 часот, книгоиздателството „Матица македонска“ во соработка со амбасадата на Република Словенија во Република Македонија, ќе ја промовира книгата „Моите песни се како светлосни бомби“ од познатиот словенечки поет Томаж Шаламун.

Изборот на песните и препевот од словенечки на македонски јазик го направија  Викторија Блажевска и Соња Должан. За изданието ќе говори проф. д-р Весна Мојсова Чепишевска, а свое обраќање ќе има и амбасадорот Бранко Раковец. Стихови ќе интерпретираат Исток Улчар и Антонио Павловски.

Томаж Шаламун (1941-2014) спаѓа во редот на најистакнатите современи словенечки поети. Автор е на богат творечки опус, високо вреднуван од страна на светската критика. Негови дела се преведени на осумнаесет јазици. Добитник е на најзначајните национални награди во Словенија, како и на престижни светски признанија, меѓу кои и на Златниот венец на Струшките вечери на поезија.

ЕУ покажа дека не е во состојба да ги исполни ветувањата дадени пред скоро две децении во Солун и одлучи веќе да не се преправа.

повеќе

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе