Во издание на „Матица македонска“

„Фантомско стапало“ - нов роман на Миневски

Писателот Блаже Миневски објави нов роман „Фантомско стапало" во издание на „Матица македонска". Главниот лик во романот верува дека животот е фронт, а за да се победи мора да се ризикува, да се анализира и да се утврди што недостасува за да се промени тоа што не е добро.

Академик Митко Маџунков за најновото прозно дело на Миневски вели дека е лоцирано „во време во кое мислиме дака целиот свет е наш, а всушност ништо не е наше, па луѓето повеќе живеат во она што го немаат одошто во она што го имаат".

„Фантомско стапало е роман што се чита со голема возбуда и естетска радост. Врвна проза на мајстор за поетски слики, животна убедливост и документарност. Впечатливо дело, почнувајќи од лексичка свежина, преку антологиските слики, па сѐ до начинот на кој се води приказната... Станува збор за голема, оригинална иновација која суверено го брани животот од самото срце на постоењето, онаа апсолутна внатрешна исполнетост и заситеност со живот на која не ѝ треба ништо друго, освен зборот, а со тоа вербата во приказната и прикажувањето. Маестрален роман за постоењето надвор од постоењето, пишува Маџунков во поговорот на изданието.

Блаже Миневски ( 1961) е автор на романите „Јас, Тито и Мики Маус" „Требаше да се сликаме пред да се замразиме", „Нишан" „Свирци", „Црна лисица", „Мемоарите на една млечка", „Љубовникот на Ленин" и „Мрежата на Мамли", како и на збирките раскази „Пристапната беседа на академик Сисое", „Во рогот на волот" и „Сезона на глуварките".

За своето прозно творештво добитник е на наградите: „Стале Попов", „Роман на годината", „13. Ноември" и на „Рациновото признание". Негови дела се преведени на дваесетина странски јазици.

Релевантните институции покажуваат неподготвеност да го спроведат долгоочекуваниот попис.

повеќе

Економската стратегија има за цел да се реализираат можностите на дигиталната трансформација, да се зајакне соработката во областа на климатските промени, енергетскиот сектор, човечкиот развој и безбедноста на храната.

повеќе

Во време кога турската лира е во историски пад, Турција мора да надмине бројни предизвици за целосно да закрепне од кризата.

повеќе