НОВА КНИГА

„Антолог“ го објави епистоларниот роман „Се гледаме наскоро. Е.“

Романот „Се гледаме наскоро. Е.“ на Драгана Евтимова и Владимир Лукаш е чудесно свежа и иновативна книга, забавна за читање, роман кој обединува серија кратки раскази околу електронската преписка на двата измислени главни ликови, Еписторија Глаголаевна и Еписторие Никифоровен.

Епистоларните романи не се новитет ниту во светската, ниту во македонската литература. Почнувајќи од 15. век до денес речиси секогаш и секаде се присутни, во сечија литература. Ова епистоларно дело ја продолжува традицијата и во Македонија започната со романот „Исток-запад“ од Јадранка Владова и Небојша Кнежевиќ пред петнаесетина години. Новитетот е во темите што се појавуваат во овој роман и начинот на којшто е тоа направено.

Драгана Евтимова и Владимир Лукаш преку нивните писмописци и раскажувачки гласови – Еписторија и Еписторие, соодветно успеваат во епистоларниот роман, освен реалистичната постапка и секојдневието, да вметнат и нота на надреализам, микрораскази од руски тип, како оние на Хармс, извадоци од весници и списанија, книжевни критики, па сè до делови кои личат како репортажи од „National Geographic“. Сето ова придонесува овој роман да се чита и како дневник и како размена на електронска пошта и како лексикон на значења и долги прошетки по сферите на реалното, надреалното, магичниот реализам, чудесното и фантастичното.

Убавината во романот „Се гледаме наскоро. Е.“ е во тоа што може да се препрочитува неколкупати и одново да се откриваат симболите и алузиите во приказните. А овој роман е дефинитивно „хипервитамизиран“ со тоа. Се добива чувство дека пред себе имате исто дрво, кое во различни сезони раѓа различни цветови и плодови.

Доколку и се избере влада на РМ без формално определен мандатор Уставниот суд на РМ нема да има правна можност за никаква интервенција.

повеќе

Таквата федерализација, како што нѐ учи балканското искуство е само преодна фаза која води кон распад на земјата.

повеќе

Во Македонија мора да се случи мирен премин на власта. Така мора да биде и по изборите од 2016 година. Во спротивно, земјата ќе се третира како „пиратска“ или како „разбојничка“ држава.

повеќе