Книжевност

На пригодна свеченост одржана во Центарот за култура во Охрид денеска на поетот Зоран Анчески му беше врачена наградата „Григор Прличев“ за најдобро поетско дело  за  2022 година. Неговата поема „Коњски житија“ беше избрана за најдобра на конкурсот за најдобро авторско поетско дело што секоја година се доделува во чест на славниот охридски и македонски преродбеник.

05 Февруари 2023 - 17:39

Меѓународната поетска манифестација „Анџело Ла Векија"  во соработка со Здружението за развој на култура и заштита на културно наследство „Контекст - Струмица" годинава по шести пат го распишуваат конкурсот за најдобра необјавена поетска творба „Антево слово", специјална награда на фестивалот, востановена во чест на великанот на македонската поезија Анте Поповски. На конкурсот можат да учествуваат поети од Македонија кои ќе испратат една своја необјавена песна на македонски и италијански или англиски јазик. Со учеството на овој конкурс истите автоматски учествуваат и за носечката награда на манифестацијата „Парнас – награда на Анџело Ла Векија". Поезијата може да се испраќа до 28 февруари 2023 година.

03 Февруари 2023 - 18:49

Со низа и свечености и културни манифестации Охрид деновиве ќе ја одбележи 130-годишнината од смртта на великиот поет и преродбеник, Григор Прличев.

03 Февруари 2023 - 18:38

Романот „Папокот на светлината“ на Венко Андоновски е добитник на наградата „Стале Попов“ за најдобро прозно остварување за 2022 година. Признанието традиционално го доделува Друштвото на писателите на Македонија (ДПМ) од 1975 година.

03 Февруари 2023 - 14:13

Во издание на „Полица“ излезе од печат дебитантскиот роман „Трезност и лудост“ од младиот македонски писател Жан Илиески, кој живее во Берлин.

01 Февруари 2023 - 10:08

Министерството за култура, во соработка со македонскиот театарски фестивал „Војдан Чернодрински“ – Прилеп, денеска распиша Конкурс за откуп на необјавен и непоставуван македонски драмски текст.

30 Јануари 2023 - 09:40

Промоција на монографијата „Кодот на Преспа - приказна за 'загубениот пат'“ од авторот Борјан Јовановски, во издание на Хелсиншки комитет за човекови права, ќе се одржи денеска во Скопје.

30 Јануари 2023 - 08:00

Третата зимска школа на Меѓународниот семинар за македонски јазик не само што овозможи над четириесет странски македонисти од четири континенти да ги унапредат своите знаења од областа на македонистиката, туку и ги поттикна да продолжат со нивната посветеност, со решеност и натаму да бидат амбасадори на Македонија, македонскиот јазик, литература и култура. 

28 Јануари 2023 - 13:41

По иницијатива на париската установа „Куќа на Европа и Истокот" (Maison D'Europe et d'Orient) , а со поддршка на францускиот Национален центар за книгата, македонското Министерство за култура и на Универзитетот Крајст Черч од Кентербери, францускиот издавач „За момент" (L'espace d'un instant) објави избор од единаесет есеи на македонскиот писател Горан Стефановски со наслов Пофалба на обратноста (Éloge du contraire).
Приредувач на изборот и автор на предговорот е универзитетскиот професор Иван Додовски, а преводот на француски јазик го направи Марија Бежановска. Изданието содржи и посебен осврт за Горан Стефановски од универзитетската професорка Фроса Пејоска-Бушеро.

25 Јануари 2023 - 12:00

Во Национална галерија „Чифте амам“ денеска ќе се одржи промоцијата на книгата на Артан Садику, насловена „Субјект(ивна) политика“.

24 Јануари 2023 - 08:29

Издавачот Бункер, во рамки на едицијата Апслоутни почетници, го издаде седмиот графички роман „Стармен – годините на Дејвид Боуви како Зиги Стардаст“, од германскиот автор и цртач Рајнхард Клајст.

23 Јануари 2023 - 09:20

Претседателот Стево Пендаровски е покровител на чествувањето на 100 годишнината од раѓањето на македонскиот поет Ацо Шопов, што ќе се одбележи со низа настани во текот на 2023 година.

20 Јануари 2023 - 15:59

На својата конституитивна седница жири-комисијата за доделување на наградата „Роман на годината“ за 2022 година, што ја доделува Фондацијата за унапредување и промоција на културните вредности „Славко Јаневски“, констатираше дека на годинашниот конкурс пристигнаа 34 романи. Жири-комисијата, во состав Симона Јованоска (минатогодишна лауреатка и претседателка на жирито), Илир Ајдини, Гоце Ристовски, Сашо Кокаланов и Катерина Богоева (претставничка на Фондацијата) заклучи дека и годинава конкуренцијата изобилува со квалитетни романи.

19 Јануари 2023 - 07:42

Во Институтот за македонски јазик „Крсте Мисирков“ се одржа настан по повод ззавршиот проект за дигитализација на картотеки на зборови на македонски јазик, поддржан од државата, преку кој се овозможува трајно заштитување и дигитализација на околу 5 милиони записи со стари македонски зборови, дијалекти и записи, кои се дел од нашето духовно богатство.  Овие записи со изворни македонски зборови и изрази датираат од периодот на 14 и 15 век. 

18 Јануари 2023 - 14:14

Третата зимска школа на Меѓународниот семинар за македонски јазик, литература и култура при Универзитетот „Св. Кирил и Методиј“ во Скопје (МСМЈЛК при УКИМ) на која ќе учествуваат над 40 странски македонисти од 17 држави ќе почне so чествувањето на големиот јубилеј – 100 години од раѓањето на великанот на современата македонска литература и култура, Ацо Шопов.

17 Јануари 2023 - 11:39

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе