Свинско печење со лути пиперчиња

Приготвување:

Ставете ги семињата коријандер и ким во голема тава за пржење на средна температура и пржете ги додека да замирисаат, околу 3 минути. Извадете ги од тавата и оставете ги да се оладат. Со мелница за зачини смелете го семето во ситен прав и оставете го настрана.

Ставете ги пиперчињата во тавата и пржете ги на средна температура додека да замирисаат, околу 2 до 3 минути. Префрлете ги на штица за сечење и кога ќе се подоладат, исечете ги на половина по должина, а потоа отстранете им ги семките.

Ставете ги половинките пиперчиња во блендер, додајте им малку вода и мелете ги додека да добиете изедначена смеса; оставете ги на страна.

Загрејте ја маста или маслото во голема тава на средна температура додека да почне да крчка. Ставете го кромидот, зачинете со сол и црн пипер и динстајте, мешајќи повремено, додека да омекне, но да не потемни, околу 5 минути. Додајте ги лукот, правот од коријандер и ким, дафиновиот лист, смелените пиперчиња, зачинете со сол и промешајте. Динстајте, мешајќи повремено, околу 5 минути. Тргнете ја тавата од рингла и оставете ја смесата да се олади на собна температура. Во меѓувреме, загрејте ја рерната на 180 степени.

Великодушно зачинете го свинското со сол и црн пипер и ставете го во тава за печење. (Може и да го исечете месото на големи парчиња.) Премачкајте го со смесата од пиперчиња и цврсто покријте ја тавата со фолија или капак. Печете додека свинското месо да омекне и лесно да се раскинува со две виљушки, околу 1 и пол до 2 часа.

Состојки:
1 лажичка семиња коријандер

1 лажичка семиња ким

4-5 лути пиперчиња

2 лажици маст или растително масло

1 кромид, сечен на мали коцки

сол

црн пипер

6 средни чешниња лук, ситно сечкани

1 дафинов лист

1,5 кг свинско каре

Објавено

Вторник, Март 10, 2015 - 15:29

Коментари

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе

Дали Борисов ќе го негира својот претходник, поранешниот премиер, генерал Рачо Петров и ќе продолжи да инсистира на заедничка историја која официјална Бугарија упорно настојува да ни ја подметне.

повеќе

Не треба да паднеме во замката која не втурнува во спиралата на континуирано себепоништување.

повеќе