Њоки со пилешко и кељ

Приготвување:

Загрејте ја рерната на 200 степени.

Во големо тенџере со зовриена солена вода сварете ги њоките според упатството на пакетчето; добро исцедете ги.

Зачинете го пилешкото со малку сол и пипер.

Стопете 2 лажици путер во голема тава на средна температура.

Динстајте го пилешкото во тавата во еден слој додека не порумени, по околу 4-5 минути од страна. Оставете го настрана.

Стопете ги преостанатите 3 лажици путер. Додајте го кромидот и динстајте, мешајќи често, додека да омекне, околу 3-5 минути. Додајте ги лукот и мајчината душица и динстајте додека да замирисаат, околу 1 минута.

Додајте го брашното и динстајте додека малку да зарумени, околу 1 минута.

Постепено додавајте ги пилешката супа и виното и динстајте, постојано мешајќи, додека малку да згусне, околу 3-5 минути. Додајте го кремот за готвење и динстајте додека да згусне, околу 1-2 минути; зачинете со сол и бибер, по вкус.

Додајте ги њоките и кељот и динстајте додека ќељот да свене, околу 1-2 минути. Вратете го пилешкото во тавата; наросете пармезан.

Ставете го во рерна и печете додека не почне да пушта меурчиња, околу 10-12 минути.

Послужете веднаш.

Состојки:
1 пакетче њоки

700 г пилешки стек

сол и црн пипер, по вкус

5 лажици несолен путер, поделен

1 среден кромид, ситно сечкан

3 чешниња лук, здробени

2 лажички исечкани свежи листови мајчина душица

3 лажици брашно

1 1/4 чаша пилешка супа

1/4 чаша суво бело вино

1/2 чаша неутрален крем за готвење

1 китка кељ, стебленцата да се отстранат и да се исечка на парчиња со големина на залак

100 г рендан пармезан

Објавено

Понеделник, Јануари 25, 2021 - 18:25

Ако не се претвориме во систем на вакцинални касти („Тргни ги твоите Астразенека-шепи од мојот Фајзер-дедо“), може да застраниме кон вакцинални пасоши со сомнителна валидност („Врвката на оваа пропусница не е во нијанса одобрена од СЗО!“).

повеќе

Освен неколку изолирани обиди, повеќето луѓе не реагираат кај институциите и не бараат одговорност. 

повеќе

Отворено писмо до претседателот Пендаровски и  академска фела во Македонија.

повеќе