Италијанска солена торта

Приготвување:

Модриот патлиџан исечете го на мали коцки и испржете го на многу маслиново масло.

Додека се пржи патлиџанот, исечете ја и тиквичката на коцки и додајте ја во тавата. Здробете 1 чешне лук и додајте го во тавата.

Исечете ја пиперката и додајте ја кај зеленчукот што се пржи, па зачинете со италијанскиот зачин и со сол и црн пипер. Оставете го да се динста додека целиот зеленчук да омекне.

Исечете ги пилешките гради на ленти и испржете ги. Оставете ги настрана.

За пестото: во блендер миксирајте ги босилекот, 1 чешне лук, лешниците, пармезанот, малку сол и 200 мл маслиново масло.

Испрженото пилешко убаво обложете го со песто-сосот и оставете го да се олади.

Кромидот измешајте го со крем-сирењето.

Обложете ги страните и дното на калапот за торта со кришки леб (без корката). Намачкајте ги кришките на дното со третина од крем-сирењето. Врз него ставете го зеленчукот во еден слој, а врз зеленчукот уште еден слој кришки леб. Притиснете ги кришките надолу за да се нагмечи зеленчукот. Врз вториот слој леб наредете го пилешкото во песто-сос, а врз него сечканата марула. Врз марулата ставете уште еден слој кришки леб.

Извадете ги страните од калапот и целата торта премачкајте ја со останатото крем-сирење. Врз него посипете го ренданиот пармезан и послужете.

По желба украсете ја тортата со парчиња салама по вкус и сечкани шери-домати.


Состојки:
1 модар патлиџан

1 тиквичка

2 чешниња лук

1 црвена пиперка

1 лажица италијански зачин

200 г пилешки гради

голема китка босилек

100 г лешници

100 г пармезан, рендан

маслиново масло

кришки леб за тост

250 г крем-сирење

2 млади кромида, ситно сечкани

4 шери-доматчиња

3-4 листа марула

Објавено

Четврток, Март 12, 2015 - 20:03

Коментари

Не треба да паднеме во замката која не втурнува во спиралата на континуирано себепоништување.

повеќе

Инвестицијата за изградба на автопатиштата Штип-Миладиновци и Кичево-Охрид повеќе личи на наш подарок за Кинезите, отколку на вистинска инвестиција.

повеќе

На заштитата на животната средина треба да се гледа како на животно важен дел од управувањето на државата.

повеќе