Леб со ѓумбир и цимет и чоколаден сос

Приготвување:

Измешајте ги квасецот, шеќерот, брашното, солта и зачините. Додајте ги млекото и јајцето и измешајте го тестото со дрвена лажица. Пренесете го на малку набрашнета површина и месете додека не стане меко и еластично.

Префрлете го во сад обложен со малку масло, покријте го и оставете да се крева 1 час, додека не се удвои во големина. Откако ќе се крене, извадете го тестото и благо замесете го.

Загрејте ја рерната на 180 степени. Од тестото откинете парчиња со големина на пинг-понг топче и од нив направете топчиња со еднаква големина.

Во средината на подготвеното тавче за печење ставете мал тркалезен огноотпорен сад и околу него наредете ги топчињата тесто, не премногу блиску едно до друго бидејќи им треба малку простор за ширење. Врз нив нафрлете ги парчињата чоколада и морска сол. Покријте го тавчето со пластична фолија и оставете го така уште 30 минути.

Кога тестото ќе набабри и ќе се дуплира во големина, ставете го во рерна и печете го 20 до 25 минути, или додека не стане златно-кафеаво.

Загрејте го џемот во мала тава и премачкајте го лебот.

За сосот за макање, во сад измешајте ги темната чоколада и хоплата и ставете го врз тенџерче со врела вода. Додека водата врие, убаво мешајте додека чоколадата не се стопи. Префрлете го сосот во оладениот сад во центарот на лебот, а потоа кинете од лебот и макајте!

Состојки:
5 г сув квасец

2 лажици светол кафеав шеќер

450 г бело брашно, плус уште малку за набрашнување

1 лажичка сол

2 лажички рендан ѓумбир

2 лажички цимет

1/4 лажичка морско оревче

290 мл млако млеко

1 јајце, проматено

60 г темна чоколада, крупно исечкана

малку морска сол

100 г темна чоколада

100 г слатка хопла

2 лажици џем од кајсија

тава за печење од околу 23 см

Објавено

Петок, Септември 6, 2019 - 09:25

При еден спор, понижувањето не е добро ниту за победникот, ниту за поразениот; ниту за „победникот“, ниту за „поразениот“.

повеќе

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе