Чајни колачиња со чоколада и марципан

Приготвување:

За марципанот:

Во мал сад измешајте ги мелените бадеми и шеќерот во прав.

Додајте ги белката од јајце и бадемовиот екстракт (зачувајте ја жолчката зашто ќе ви треба подоцна за тестото.)

Измешајте ги убаво за да се формира тврдо тесто.

За чоколадното тесто:

Загрејте ја рерната на 170 степени.

Намачкајте 12 калапи за колачиња со малку путер.

Во мало тенџере на ниска температура стопете го солениот путер.

Тргнете го од рингла и додајте му ја сечканата чоколада, добро промешајте додека смесата да се изедначи и целата чоколада да се стопи и оставете го настрана да се олади.

Во голем сад со електричен миксер убаво изматете ги двете јајца и жолчката од третото јајце.

Постепено додавајте ги белиот и кафеавиот шеќери и продолжете да матите додека смесата да стане многу густа и светла.

Со голема метална лажица полека додајте ги мелените бадеми и брашното и размешајте. На крај додајте ја оладената смеса од чоколада и промешајте колку да се спојат.

Со лажица полнете ги калапите до половина со тестото, а потоа во средината на тестото во секое калапче ставете по едно лажиче од смесата од марципан.

Врз марципанот додајте уште малку од чоколадното тесто и печете 15-20 минути, или додека чепкалката прободена во средината да излезе чиста.

Кога ќе се оладат колачињата, попрскајте ги со малку шеќер во прав, по желба.

Состојки:

За марципанот:

70 грама мелени бадеми

50 грама шеќер во прав

1 белка од јајце

1 лажичка бадемов екстракт

За чоколадното тесто:

малку несолен путер за мачкање на калапчињата

100 грама солен путер

100 грама чоколада за готвење, сечкана

2 цели јајца

1 жолчка од јајце

50 грама бел шеќер

50 грама кафеав шеќер

70 грама мелени бадеми

3 лажици брашно

Објавено

Четврток, Септември 12, 2013 - 20:17

Коментари

Дали е случајно тоа што во Македонија од година во година расте сиромаштијата, бројот на блокирани сметки на граѓаните и на фирмите се зголемуваат и бројот на лица што ја напуштаат земјата во еден правец енормно се зголемува?

повеќе

Ивон Величковски, претседател на Либералната партија, веројатно во обид да го дообјасни Стојан Андов, измеша многу работи.

повеќе

Tреба да си останeме доследни на нашето културно и историско наследство на толеранција, хуманост и разбирање за страдалниците, но и да бидеме будни за безбедноста

повеќе