67-те пратеници, тајно или јавно, сами да изберат спикер и министри

Ако државата е заробена, а институциите не работат - мислам дека е потребно да се употреби сценариото како со АВНОЈ и АСНОМ во Втората светска војна.

Постоел тогаш окупатор и туѓо државно уредување. Прогресивните сили и народите во тоа време решиле да прават држава Југославија со АВНОЈ и ја направиле во Јајце во 1943, како и Република Македонија во 1944 во Св. Прохор Пчински. Војната уште траела, а државното уредување сѐ уште било кај окупаторските сили. Но, нашите одлучиле да прават држава/република и ја направиле. Ги прекршиле тогашните закони, но биле помногубројни и можеле формално да го сменат уредувањето. Окупаторот официјално се повлекол во 1945, а државното народно уредување останало.

Нешто слично треба и сега. Со багабонти и окупатори не можеш да излезеш на крај со нормални методи. Сегашниве од В/Д ќе одолговлекуваат во недоглед во Собранието. Затоа е потребно 67 или 69 пратеници да се состанат во некое „Јајце“ тајно или јавно, и да изберат претседател на Собранието. Претходно би можело и да се даде рок на кочничарите дека до овој петок или наредниот петок се очекува да завршат дискусиите и да се премине на гласање директно за претседател на Собрание. Ако не сакаат ...

Пратениците што ги предводи СДСМ го имаат мандатот од граѓаните и ја изразуваат мнозинската волја на гласачите во Македонија. Овие пратеници ќе може да констатираат дека Македонија има претседател на држава кој не е работоспособен за функцијата и ќе изгласаат дека истиот не е способен да даде мандат за Влада. Во такви услови кога нема претседател, мандатар за Влада ќе биде оној кој ќе добие мандат од претседателот на Собранието.

И по некое време, мандатарот ќе достави состав на влада и програма во Собранието. Владата ќе се изгласа, а програмата ќе се усвои и тогаш Министрите ќе бидат во можност да побараат да влезат во своите кабинети. Ако е потребно, може Собранието да отпечати вонреден Службен весник ако постоечката организација одбие да печати службен весник. Може и новите министри да бидат спречени да влезат, но тоа е веќе многу подобро сценарио. Тие се избраните министри и мора да им се дозволи да влезат. Под притисок и на меѓународната заедница ако треба, бидејќи тие цело време кажуваат дека треба да се формира влада со јасно изразена мнозинска волја на гласачите во Собранието.

Ако ваквата влада е признаена од меѓународните институции како демократска влада, тогаш Груевски и бандитите околу него може само да се сликаат - односно да избегаат од државата. Се разбира, потоа ќе бидат гонети за криминал.

Тоа што е неопходно, партиите што имаат мнозинство во Собранието да се одважат и да констатираат дека ова не води никаде. Ако не го сторат тоа, опасностите се дека ќе се разводни целата работа, луѓето ќе се разочараат и пасивизираат. Може да се јават и групации од кај одредено население кое ќе посакаат отцепување заради безизлезноста на оваа држава.

Затоа е потребна одлучна и брза реакција. Лидершип е потребен. Заев треба да го покаже решително водството за да може да застанат граѓаните позади него. И да поведе да се спроведат потребните чекори за формирање на Собрание и Влада. Да покаже и формално дека се раѓа нова Македонија ослободена од криминалци и партизирани институции.

Венко Глигоров

Ставовите искажани во рубриката Колумни се лични ставови на авторите и не се автоматски и ставови на редакцијата на МКД.мк. Редакцијата на МКД.мк се оградува од ставовите во објавените колумни, а одговорноста за изнесеното во нив е исклучиво на авторот.

Доколку и се избере влада на РМ без формално определен мандатор Уставниот суд на РМ нема да има правна можност за никаква интервенција.

повеќе

Таквата федерализација, како што нѐ учи балканското искуство е само преодна фаза која води кон распад на земјата.

повеќе

Во Македонија мора да се случи мирен премин на власта. Така мора да биде и по изборите од 2016 година. Во спротивно, земјата ќе се третира како „пиратска“ или како „разбојничка“ држава.

повеќе