Градот Скопје се откажа од езерото Треска и го отстапи на Сарај

Булдожери влегоа во комплексот „Езеро-Треска“. Општина Сарај реши да ги среди овие 35 хектари кои со години се веќе напуштени. И градоначалникот на Скопје Петре Шилегов, кога беше кандидат реши да го врати сјајот на езерцето. Но, неговиот колега Блерим Беџети, градоначалникот на општина Сарај има други планови – се чека владина одлука за прогласување на туристичка развојна зона, а тоа значи хотели, деловни објекти, а се споменуваат и казина. Тоа значи пренамена на земјиштето од земјоделско, во градежно. Толку од спортско-рекреативниот центар за кој пари даваа нашите родители, баби, дедовци, граѓаните на Скопје.