Затвор од осум месеци за кавадарчанецот кој ја загрозил сигурноста на градоначалникот Јанчев

Кавадарчанецот З.Б., кој ја загрозил сигурноста на градоначалникот на Кавадарци Митко Јанчев, доби казна затвор, потврдија за МИА од Основниот суд во Кавадарци.

„Основен суд Кавадарци известува дека денеска, 22.09.2022 година, по одржаната главна јавна и усна расправа по Кривичниот предмет К.бр.191/22 кон обвинетиот З.Б. од Кавадарци за кривично дело Загрозување на сигурноста од член 144 став 4 од КЗ, судот донесе пресуда со која обвинетиот го огласи за виновен и му изрече казна затвор во траење од 8 месеци,“ се вели во известувањето.

Основното јавно обвинителство Кавадарци претходно оформи предмет и поведе постапка против едно лице за кривично дело – Загрозување на сигурноста според член 144 став 4 од Кривичниoт законик. Лицето, преку коментар на социјалната мрежа Фејсбук, упатило закана кон актуелниот градоначалник на Кавадарци дека „нема да умре од болест или старост".

Според обвинителството, осомниченото лице претходно било осудувано за повеќе кривични дела за закани кон градоначалникот и неговото семејство. Обвинителството на 22 август соопшти дека по предлог на надлежниот јавен обвинител, судијата на претходна постапка му определил мерка куќен притвор во траење од осум дена на оосомничениот. 

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе