Во Скопје поднесени се кривични пријави за питачење

Скопската полиција заедно со вработените во јавната установа Меѓуопштински центар за социјална работа - Скопје, од 8 до 15 април преземаа мерки и активности за спречување на питачење. Притоа приведени биле С.К. (26), Б.Б. (33) и Е.Л. (30) сите од Скопје. С.К. и Е.Л. заедно со своите малолетни деца, и малолетник чиј старател/родител е Б.Б. биле затекнати при питачење на крстосници и булевари и пред верски објекти на подрачјето на Скопје.

Со нив бил извршен службен разговор и по целосното документирање на случајот против нив ќе следат кривични пријави, поради постоење сомневање за сторено кривично дело по чл.201 од Кривичниот законик.