Во село Орешани најдена пушка и муниција

При претрес извршен со судска наредба во дом и помошни простории кај лице во село Орешани, вчера полицијата пронашла и одзела една пушка и 15 парчиња муниција. Како што денеска соопштија од МВР, полициски службеници од СВР Скопје – Единица за недозволена трговија и Единица за интервентна полиција го лишиле од слобода З.Г.(58) во село Орешани, поради постоење основано сомнение дека извршил кривично дело по член 396 од Кривичниот законик.

Лицето е приведено во полициска станица и по документирање на случајот против него ќе биде поднесена кривична пријава за „недозволено изработување, држење и тргување со оружје или распрскувачки материи", се појаснува во соопштението.