Уапсени двајца осомничени за разбојништва и тешки кражби

Полициски службеници вчера уапсиле две лица од Скопје осомничени дека сториле повеќе кривични дела. Како што посочуваат од МВР, за настанот бил известен јавен обвинител и по целосно докумнетирање и расчистување на случаите, против нив ќе бидат поднесени соодветни пријави.

„Вчера на подрачје на Центар, полициски службеници од Единицата за внатрешни работи Центар и Бит Пазар при СВР Скопје ги лишиле од слобода Н.Д. (46) од село Вражале, скопско и И.П.(33) од Скопје, поради основано сомнение дека сториле две кривични „разбојништво“ (на 27.08.2022 и 16.09.2022 на подрачје на Центар) казниви по член 237 од Кривичниот законик и едно кривично дело „тешка кражба" казниво по член 236 од Кривичниот законик, сторено на 19.09.2022 на подрачје на Центар, при што на оштетените им одземале пари и лични предмети“, информираат од Министерството за внатрешни работи.