Teшка сообраќајка на патот Скопје-Блаце

Три возила учествувале во тешката сообраќајна несреќа што се случила вчера на магистралниот пат Скопје-граничен премин Долно Блаце при што потешко било повредено едно лице.

Во сообраќајната несреќа учествувале патничко возило „шкода“, со скопски регистарски ознаки, управувано од Б.К. (44) од Скопје, „сеат алхамбра“, со скопски регистарски ознаки, управувано од И.А. (40) од Скопје и товарно возило влекач „волво“, со косовски национални ознаки, со полуприколка, управувано од С.Е. (49) од село Страчинци, скопско. Во несреќата И.А. добил тешки телесни повреди, констатирани во Градската општа болница „Св.НаумОхридски“. Извршен бил увид од увидна екипа од СВР Скопје.