Во Пробиштип 29 пијани возачи за четири часа откри полицијата (ВИДЕО)

Штипската сообраќајна полиција ноќеска во Пробиштип спроведе контрола на возачи кои управуваат возило под дејство на алкохол. Во периодот од 22 до 2 часот по полноќ регистрирани биле 29 возачи кај кои е детектирано присуство на алкохол, односно тие возеле во пијана состојба. Синоќа во Пробиштип српската фолк ѕвезда Цеца имаше голем концерт.

За време на контролата биле санкционирани и тројца возачи кои сè уште немале право за да се стекнат со возачка дозвола, односно немале доволно години на возраст. На еден возач му била истечена важноста на сообраќајната дозвола.

Полицијата апелира да се почитуваат сообраќајните правила и прописи и никако да не се седнува зад волан во алкохолизирана состојба зашто така се загрозуваат и други животи.