Приведен скопјанец баран со пет потерници, полицијата му пронашла кокаин и лажна лична карта

Во близина на трговски центар на подрачјето на Центар вчера во 14.40 часот припадници  на Единицата за интервентна полиција при СВР Скопје го привеле Д.Т.(35) од Скопје, кој се барал по пет распишани потерници за издржување казна затвор.

Како што соопшти МВР, при преглед на патничкото возило кое го управувал биле пронајдени две пакувања кокаин. При проверката пак, лицето приложило лажна лична карта, наводно издадена од Република Словенија, со негова фотографија, но на туѓо име со словенечка адреса на живеење.

Д.Т. бил приведен во Полициска станица Центар и од страна на инспектори од Единицата за економски и компјутерски криминал било утврдено дека лажната лична карта ја набавил од лице од Косово во 2018, преку посредник од Шпанија, додека престојувал таму и ја користел за движење низ европските земји, а во Македонија остварил илегален влез во 2020 година.

По документирање на случајот од страна на СВР Скопје против него ќе бидат поднесени соодветни поднесоци. Од страна на судија на претходна постапка одредена му е мерка притвор и спроведен е во Казнено-поправната установа Затвор Скопје – Скопје.

 

Самата идеја на странските директни инвестиции е да донесе нови вработувања со повисоки плати кои треба да ги исплаќа странскиот инвеститор.

повеќе

Треба да се размисли за тоа дека сите предлози и промени кои доаѓаат од Брисел, не можат ефикасно да се применат и во Македонија и да се дејствува во правец на благосостојба на граѓаните, а не само на профитите.

повеќе

Предложеното законско решение се фокусира на аудиовизуелниот/радиодифузниот сектор, игнорирајќи ги последниве две децении на развој на дигиталниот домен и на интернет, со сите негови позитивни и негативни страни.

повеќе