Денеска на автопатот Куманово - Велес

Полициски радар „фати“ возење со 215 километри на час

Денеска, во периодот од 10 до 16 часот, со радарските полициски контроли регистрирани се 68 возачи кои со своите возила возеле побрзо од дозволената брзина, а некои од нив и значително ја пречекориле максимално пропишаната брзина, како возачот од фотографијата кој во моментот кога бил „снимен“ со радар се движел со брзина од 215 километри на час.

„Мобилната единица за безбедност на сообраќајот на патиштата спроведе зајакната акциска контрола на автопатот Куманово - Скопје - Велес за санкционирање на возила кои се движат со брзина поголема од дозволената, при што санкционирани се 68 возачи. Од нив, три возила се движеле со брзина над 50 километри на час повеќе од дозволеното, а исто така три возила се движеле со дури над 70 километри на час повеќе од дозволената брзина“, велат од МВР и предупредуваат дека со полициски контроли ќе се продолжи и во наредните денови.