Поднесена кривична пријава за загрозување на животната средина со отпад

Одделението за внатрешни работи Кочани во координација со Државниот инспекторат за животна средина до Основното јавно обвинителство Кочани поднесе кривична пријава против О.Т. (44), правно лице од Кочани, и Н.Н. (22) од Кочани во својство на одговорно лице во правното лице, поради постоење основи на сомнение дека сториле кривично дело загрозување на животната средина со отпад по член 230 став 3 од Кривичен законик.

Фото: Роберт Атанасовски

„Прво- и третопријавените, во име на второпријавениот правен субјект, во периодот од 17.2. до 13.4.2022 година на инсталација лоцирана на ул. Индустриска бб во Кочани, неовластено тргувале со отпад без да поседуваат дозвола за управување со отпад издадена од стручен орган Управа за животна средина при Министерството за животна средина и просторно планирање, со што постапиле спротивно на член 64 став 1 од Законот за управување со отпад (Сл. весник на РСМ 216/21 од 17.9.2021 година) и за период од два месеци оствариле противправна имотна корист од 1.587.642 денари“, се наведува во денешното соопштение од МВР.