Пандемијата со ковид-19 заврши, но кривични пријави за непочитување на изолација уште има

СВР Куманово поднесе кривична пријава против Ф.К.(41) од Куманово, поради постоење основи на сомнение за сторено кривично дело „непостапување според здравствени прописи за време на епидемија". Иако препораките за изолација и полицискиот час одамна се завршени, уште се поднесуваат кривични пријави за прекршителите на мерките кои за време на пандемијата беа задолжителни.

Пријавената, за време на епидемија на заразна болест прогласена на територијата на државата, постапила спротивно на одлуката за превентивни препораки, времени мерки за изолација.