Основно обвинителство Скопје

Обвинение против три лица за произодство и продажба на марихуана

Основното јавно обвинителство Скопјe поднесе Обвинителен акт против три лица за кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик. Марихуаната се одгледувала и пакувала во викенд-куќа во Визбегово.

Основното јавно обвинителство Скопјe поднесе Обвинителен акт против три лица за кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик.

„Двајца од обвинетите, како соизвршители, неовластено произведувале и држеле наркотична дрога – марихуана. За таа цел, едниот обвинет ги ставил на располагање дворот и просториите од семејната викенд-куќа во Визбегово. Заедно со другиот обвинет ги прилагодиле просториите за одгледување и засадиле стебла од растението канабис. При претрес на 24 октомври, вториот обвинет бил затекнат во дворот од куќата во момент кога ги кастрел цветовите од стеблата и ги мерел по тежина заради пакување. На локацијата биле пронајдени 15 растенија канабис со поединечна висина од 19 до 80 сантиметри, девет свежо искршени гранки со лисја и врвни делови, 20 искршени и делумно соголени гранки со лисја и вршунки канабис, како и дигитална вага", наведува Обвинителството.

Во домот на третиот обвинет, пак, на улица „Христо Смирненски" биле пронајдени и одземени 99,72 грама наркотична дрога – марихуана, 33 семки од растение од растителниот род Cannabis како и 2,8 милилитри хашиш смола во два шприца.

Поради опасност од бегство и можност да го повторат делото, надлежниот јавен обвинител до Основниот кривичен суд Скопје достави предлог за продолжување на претходно определената мерка куќен притвор за тројцата обвинети.

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе