Во Шуто Оризари и Аеродром

Малолетно девојче и повозрасна жена каснати од улични кучиња

Две пријави за граѓани каснати од улични кучиња регистрирала полицијата. Во еден случај во Аеродром настрада повозрасна жена, а во вториот случај малолетно девојче во Шуто Оризари.

Во Полициската станица Аеродром, вчера во 22:20 часот, Љ.Т.(73) од Скопје пријавила дека на булевар „Јане Сандански" била касната од куче скитник, соопштија од полицијата.

Уште еден случај е пријавен вчера во 11:30 часот во Полициското одделение Шуто Оризар. С.А.(32) од Скопје пријавила дека на улица „Нов Живот" нејзината малолетна ќерка била касната од куче скитник.