Рано утрово

Четири лица повредени во судар на две возила на патот Штип - Кочани

Четири лица се повредени во тешка сообраќајна несреќа, која случи утринава во 6.50 часот на регионалниот пат Штип-Кочани во близина на селото Крупиште. Портпаролот на Клиничка болница-Штип, Марина Шуманска информира дека двајца од овредените се хоспитализирани во болницата со тешки телесни повреди, а двајца од повредените по укажаната помош се пуштени на домашно лекување.

Фото: Архива

„Двајцата тешко повредени пациенти се на снимање и иследување. Прегледани се од ортопед и хирург. Состојбата на пациентите се следи“, вели Шуманска.

Портпаролот на СВР-Штип, Гордана Панајотова вели дека до несреќата дошло при судир на две патнички моторни возила, но додаде дека за причините кои довеле до сударот ќе може дополнително да даде информации.

Истрражителите извршиле увид на местото на сударот..