Си купил ново БМВ М5 и го искршил неколку минути по заминувањето од салонот (ФОТО+ВИДЕО)

Сопственик на чичка ново БМВ М5 целосно го искршил автомобилот минути откако го преземал од дилерот.

Нема многу детали, но судирот веднаш стана вирална сензација откако на Фејсбук беа постирани фотографии и видео од резултатот.

Судирот наводно се случил во Балтимор, Мериленд, САД, откако друг автомобил странично го поткачил „бемвето“. По ова наводно возачот на М5-ката изгубил контрола и удрил во бандера.

Што и да се случило, М5-ката претрпела значителна штета и целиот преден дел бил уништен во судирот. Иако на предниот дел е главниот дел од штетата, може да се забележат и свиткани задна врата и крило. Тука бил најверојатно првичниот контакт со другото возило кога сѐ тргнало во лоша насока.

Во инцидентот нема повредени, но дефинитивно бил лош ден за сопственикот на „бемвето“ кое има само 11 километри на мерачот.

М5-ката најверојатно била осигурена, а во САД таа чини 102.700 долари. Има твинтурбо 4,4-литарски V8 кој дава 592 коњски сили, благодарение на кои спортскиот седан до 100 км/ч стигнува за 3,4 секунди и продолжува до максималната брзина од 305 км/ч.

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе

Она она што го нудат медиумите во времето на ковид-19 покажа колку тие не се подготвени за да известуваат во време на криза, а кризите ги има сè почесто.

повеќе