Првото електрично возило на Шкода било камион за пиво во 1939 (ФОТОГАЛЕРИЈА)

Основана во 1895 година, Шкода е еден од најстарите произведувачи на автомобили во светот, и од почетокот експериментирала со струјата и алтернативните горива.

Skoda Auto

Првиот бензинско-електричен хибрид се појавил во 1908 година, кога основачите Вацлав Лорен и Вацлав Клемет се обратиле кај Франтишек Кжижик, човекот што го дизајнирал  извел трамвајскиот систем во Прага, кој сѐ уште функционира.

Првиот бензинско-електричен хибрид на Шкода во 1908

Кжижик го зел Л&К тип Е протитипот и направил уникатен систем користејќи бензински мотор. Моторот со внатрешно согорување ја создавал струјата, која пак го придвижувала возилото со помош на електромотор. Мора да се истакне дека ова се случувало пред повеќе од еден век, па батериската технологија која овозможува чување на енергијата допрва требало да биде измислена, но и покрај рудиментарната изведба, за инженерите бил многу важен чекор напред.

Електричниот камион за пиво на Шкода од 1938

Триесет години подоцна, во 1938 година, пред почетокот на Втората светска војна, увозот на нафта бил загрозен и Шкода морала да најде начин снабдувањето да продолжи. Затоа направиле електричен камион за пиво кој можел да го доставува производот од фабриката во Плзењ до баровите и рестораните во градот. Имал цела низа батерии со киселина кои можеле да се надополнуваат, а камионот можел да носи до 3 тони пиво. Според архивите на фабриката, камионот доставувал пиво долги години.

Камионот на дрва на Шкода од 1919

Во 1919 година бил направен камион со погон на јаглен, со голема печка одзади, со што докажале дека технологијата функционира, но бидејќи била сметана за прекомплицирана за производство, проектот бил напуштен сѐ до 1930-тите и 1940-тите, кога Шкода се навратила на технологијата.

Камионот на дрва на Шкода од 1939

Инженерите на компанијата успеале да инкорпорираат гасен генератор кој може да конвертира дрво и јаглен во гас кој го придвижувал моторот со внатрешно согорување. Во 1942 година биле произведени неколку прототипи од моделот рапид кои имале интегрирани конвертери поставени на предниот браник.

Хибридниот прототип рапид од 1942

Во 1992 година беше направена електрична верзија на моделот фаворит. Наречен елтра 151, проектот бил финансиран од шведскиот увозник, кој планирал да го продава низ Европа. Имал 16 шестволтни батерии од 190 ампер часа кои го погонувале електромоторот со 21 коњска сила, а бил зачуван менувачот од обичниот модел, без петтата брзина. Имал радиус од 65-100 километри и максимална брзина од 80 км/ч. Полнењето се вршело преку стандарден домашен приклучок за струја.

По елтра 151 била направена и пикап верзија нарачана од истата швајцарска компанија, која се продавала низ целиот свет. девет од тие автомобили биле вратени во Чешка од страна на поштенската служба и биле користени на различни локации со години.

Шкода енјак иВ

Силната врска на Шкода со светот на електричните автомобили ќе продолжу следната година, со енјак иВ. Кросоверот со нула штетни емисии е речиси исто толку голем колку кодијакот и ќе се продава во четири верзии, три со погон на задните тркала и една до погон на сите четири тркала и 302 коњски сили, која ќе има два електромори. Се очекува моделот да има радиус со едно полнење од 500 километри.

Легенда под Главна слика

Skoda Auto

Секој може да биде менаџер во „добри денови", но најчесто менаџерската работа не е за „добрите денови" туку постојан баланс помеѓу проблемите и можностите за оптимизирано управување на компанијата.

повеќе

Нека се соберат во Дојран, нека се договорат и нека нѐ известат. Сите други пак нека се спремаат за вистински избори во постпандемискиот период.

повеќе

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе