ТОГГ

Првиот турски автомобил претставен во Лас Вегас (ВИДЕО)

Концептот на првиот автохтон турски автомобил ТОГГ беше почнат за да се креира глобална марка чија интелектуална и индустриска сопственост се 100 отсто турски.

Првиот турски автомобил ТОГГ е изложен на најголемиот саем на потрошувачка електроника ЦЕС 2022 во Лас Вегас во Соединетите Американски Држави, јави Анадолу.

Во соопштението на управата на турската компанија се наведува дека ТОГГ е глобална марка која го сочинува јадрото на турскиот екосистем на мобилноста.

Извршниот директор на турската компанија Мехмет Гурцан Каракаш изјави дека тие не се класична автомобилска компанија.

„Ние себеси се дефинираме како технолошка компанија. Затоа сме на ЦЕС, местото на средба на иновациите и предводниците во технологијата. Ние сме технолошка компанија која работи во областа на мобилноста, основана на географското подрачје каде се среќаваат Истокот и Западот, разумот и емоциите. Во новиот свет, во кој автомобилската индустрија забрзано се трансформира во екосистем на мобилноста, креираме решенија за мобилност, ставајќи ги корисникот и податоците во фокусот на дејствувањето“, кажа Каракаш.

Компанијата претходно соопшти дека тестното производство на автомобили ќе го почнат на крајот на јули 2022.

Во Долината на технологијата во Гебзе во Турција во декември 2019 беше одржана свеченоста Пат кон иновации на која беше претставен прототипот на првиот турски автомобил.

Управата на компанијата ТОГГ во октомври 2021 објави дека се завршени сите аеродинамични и аероакустични тестирања на автомобилот.

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе