На пролет

Пристигнува новата поголема шкода фабија (ФОТО+ВИДЕО)

Шкода на неколку новинари во Австрија им овозможи да ја почувствуваат новата генерација на фабија пред официјалното претставување на пролет.

 

Прототипите користени на овој настан се прекриени со камуфлажа која ги крие клучните визуелни аспекти.

Сепак, може да се види дека маската е малку поголема и дека фаровите се потенки со интегрирани дневни ЛЕД светла. Задните светли се различни од тие на хечбекот скала.

„Основата на идејата е да го откриваме автомобилот постепено, како змија што ја отфрла кожата“, кажа дизајнерот Даниел Петр. „Ова ќе биде многу убав компактен автомобил со чист и модерен дизајн кој ќе ја крене фабија на следното ниво“.

Поставена на платформата Ем-кју-би А0 на Фолксваген групата, која ја дели со фолксваген поло и сеат ибица, новиот субкомпактен хечбек на Шкода ќе има и карван верзија, која веројатно ќе биде претставена следната година. Новата фабија ќе биде поголема од претходната генерација, со должина од 4.107 милиметри и ширина од 1.780 милиметри, а меѓуоскиното растојание ќе порасне за 94 милиметри на 2.564 – идентично со ибицата и за 16 милиметри подолго од полото.

Со 380 литри и багажникот е пораснат, но и покрај овие промени, тежината е само минимално зголемена. Шкода истакнува и дека коефициентот на отпор на воздухот е најмал во класата (0,28).

Четвртата генерација на фабија ќе се нуди со три бензински мотори – атмосферски 1,0-литарски со 65 и 80 коњски сили со петбрзински менувач ќе бидат основните верзии.

Турбобензински 1,0-литарски ТСИ со 95 и 110 коњски сили ќе биде средината на понудата, од кои послабата верзија ќе има петбрзински а посилната шестбрзински рачен менувач, со опција за седумбрзински автоматски ДСГ.

Најмоќната фабија ќе има 150 коњски сили од 1,5-литарскиот ТСИ мотор во комбинација со ДСГ автоматскиот менувач.

Пред неколку недели се наврши една година од почетокот на пандемијата. Ковид-19 ги разоткри системските проблеми во здравствениот систем и другите институционални гранки на Косово.

повеќе

Ако не се претвориме во систем на вакцинални касти („Тргни ги твоите Астразенека-шепи од мојот Фајзер-дедо“), може да застраниме кон вакцинални пасоши со сомнителна валидност („Врвката на оваа пропусница не е во нијанса одобрена од СЗО!“).

повеќе

Освен неколку изолирани обиди, повеќето луѓе не реагираат кај институциите и не бараат одговорност. 

повеќе