СУПЕРАВТОМОБИЛИ ЗА МИЛИОНИ ДОЛАРИ

Автомат за луксузни автомобили во Сингапур ви исфрла ферарија, поршиња... (ВИДЕО)

Футуристички 15-катен изложбен салон во Сингапур, наречен „најголемиот автомат за луксузни автомобили во светот“, почна да им нуди на клиентите суперавтомобили за милиони долари, односно „ферарија“, „бентлија“, „ламборџинија“ и „поршиња“.

Објектот, изграден од дилерот на користени автомобили Аутобан моторс (АБМ), личи на систем „рибина коска“ и може да го минимизира отпорот на ветер. Околу 60 луксузни автомобили се изложени во неговата осветлена витрина.

Возилата што се нудат варираат од современи луксузни спортски автомобили до класици, меѓу кои и „морган плус 4“ од 1955.

Според компанијата, корисниците на приземјето на огромниот екран на допир го избираат автомобилот што сакаат да го видат. Автомобилот пристигнува за минута-две со користење напреден систем за пребарување возило.

Целта на форматот на машината е ефикасно да се користи просторот во државата, која кубури со земја, а и да се истакнеме од конкуренцијата, рече генералниот директор на АБМ, Гери Хонг.

„Моравме да ја почитуваме потребата за складирање голем број автомобили. Во исто време, сакавме да бидеме креативни и иновативни“, изјави тој за Ројтерс, додавајќи дека постои интерес за користење на системот на автомобилски инвентарски менаџмент за паркинг-услуги.

Американската компанија Карвана исто така користи автомати како кули за да продава користени автомобили. Во март таа отвори осумкатен објект, кој содржи до 30 автомобили во Сан Антонио, Тексас. Севкупно, компанијата има четири локации низ САД, а првиот автомат за автомобили беше отворен кон крајот на 2015 година. Клиентите на Карвана уфрлаат паричка во отворот и си го одбираат својот нов автомобил на автоматот или автомобилот им се доставува директно до врата.

Објавено

Понеделник, Мај 15, 2017 - 18:21

Постојат кафе барови каде стои натпис дека немаат интернет па препорачуваат луѓето да си прават муабет како порано. 

повеќе

Заев рече дека не му се допаѓа како соседните земји реагирале на кризата во Македонија и власта во Србија ја нарече „националистичкото раководство на Вучиќ“, па во Белград предизвика епидемија од паѓања во несвест од изненаденост и навреденост. Хм, во што е точно проблемот?

повеќе

Луѓето се лутат што бизнисмените не реагирале или недоволно критикувале за лошите владини потези во минатото. Од нивна перспектива - веројатно со право.

повеќе