На 3, 4 и 5 јуни

Авто плус нè кани на третото издание на Стрит шоу

Специјализираниот магазин Авто плус на 3, 4 и 5 јуни го организира третото издание на автомобилистичкиот настан Стрит шоу, кој, во недостиг на вистински автомобилски саем во Македонија, на свој грб презема дел од таа одговорност и веќе преминува во традиција.

„Во 2019 година, за првпат по цели 13 години, Авто плус, најстариот автомобилски медиум во Македонија, успеа да ги организира и собере македонските увозници и дилери на заеднички собир на кој добија можност да ги презентираат сите новитети и актуелните понуди на своите марки пред пошироката јавност. Сега, три години подоцна, на едно многу повисоко и поорганизирано ниво, Стрит шоу ќе се одржи по третпат, а во меѓувреме успеа да се покаже како исклучително успешна манифестација која дојде како сериозно освежување под македонско небо“, порачува Авто плус.

Како и минатата година, годинешното издание ќе се одржи под отворено небо пред СЦ Борис Трајковски, а посетителите ќе можат на едно место да ги погледнат новите автомобили, мотоцикли и автомобилска галантерија и додатоци.

Авто плус е еден од ретките медиуми кој организира вакви настани за јавноста, покрај Изборот на автомобил на годината и наградата Златно тркало, и нè кани на третото издание на мини-саемот на автомобили под отворено небо.

Ние сме земја што први во Европа имаме стратегија за интеркултурализам.

повеќе

Францускиот предлог претставува директно рушење на основните темели на ЕУ.

повеќе

Од мали нозе ги заобиколуваме правилата на игра, па не е ни чудо што потоа се сопнуваме кога ќе истрчаме на терен.

повеќе