МЕЃУНАРОДНА КОНФЕРЕНЦИЈА

Дипломатијата и депортацијата на Евреите од Македонија во 1943 година

Утре во организација на МНР, ИХРА (Меѓународна алијанса за сеќавање на Холокаустот), Институтот за национална историја од Скопје, Меморијалниот центар на холокаустот на Евреите од Македонија и Дипломатскиот клуб од Скопје, во Министерството за надворешни работи на македонија ќе се одржи меѓународна конференција на тема „Дипломатијата и депортацијата на македонските евреи во 1943 година".

Конференцијата  ќе ја отворат Никола Попоски, министерот за надворешни работи на Македонија, амбасадорот на Израел за Македонија Дан Оријан, претседателот на МАНУ Владо Камбовски и претседателот на Управниот одбор на фондот на холокаустот на Евреите од Македонија Пепо Леви. Свои излагања ќе имаат и експерти од Швајцарија, Израел, Италија, Србија, Грција и Франција.

Утрешното одбележување е јубилејно. Се навршуваат 70 години од ослободувањето на Аушвиц и 15 години од донесувањето на Стокхолмската декларација. Со резолуција на ОН од 1 ноември 2005, 27 јануари е востановен како меѓународен ден на комеморација на жртвите од холокаустот.

Конференцијата има за цел да ги идентификува и да ги истражи односите меѓу државите и состојбите кои влијаеја на депортацијата на Евреите од Македонија и од другите земји. Конференцијата е поддржана и од Меѓународната алијанса за сеќавање на холокаустот од Берлин, во чии активности учествува и Република Македонија.

Модератор е амбасадор Јован Теговски, национален координатор во Меѓународната алијанса за сеќавање на холокаустот.

На Стокхолмскиот меѓународен форум за Холокаустот одржан пред 15 години,  високи политички лидери и официјални претставници на повеќе од 40 земји се сретнаа со граѓански и верски лидери, луѓе кои го преживеале Холокаустот, наставници, историчари и други лица кои својата работа ја посветиле на промовирање на образованието, одбележувањето и истражувањето на Холокаустот.

Добитникот на Нобеловата награда, Ели Визел, беше почесен претседавач, додека професорот Јехуда Бауер беше виш академски советник на Форумот.

 

На завршната сесија на конференцијата земјите - учеснички ја потпишаа Стокхолмската декларација, со што таа стана основачки документ на Меѓународната алијанса за сеќавање на Холокаустот (Меѓународна алијанса). Со оваа Декларација државите – учеснички се обврзаа да работат за промовирање на образованието, одбележувањето и истражувањето на Холокаустот. 

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе