„Балкан енерџи груп“ ќе произведува, дистрибуира и снадбува топлинска енергија за Скопје

Првите стотина договори на вработените во „Топлификација“ за префрлање во „Балкан енерџи груп“ во текот на денот се веќе потпишани. Руската компанија „Балкан енерџи груп“ од утрово почна да ги презема вработените во „Топлификација“ и да потпишува петгодишни договори со нив. Ова значи дека Регулаторната комисија за енергетика (РКЕ) реши трите лиценци (производство, дистрибуција и снабдување со топлинска енергија) да ги додели на „Балкан енерџи груп“.

Првичните неофицијални информации дека „Топлификација“ преку „Дистрибуција на топлина“ ќе го управува системот, а Русите може да ги наплаќаат сметките и да го организираат снабдувањето со топлина се покажаа дека се неточни. Во игра беа и државните компании ЕЛЕМ и МЕПСО, кои преку фирмата „ЕЛ-МЕ“ се претпоставуваше дека ќе го финансираат производството на топлинска енергија за Скопје (за повеќе од 50 илјади корисници).

Викендов двете компании, „Топлификација“ и „Балкан енерџи груп“ забрзано го подготвуваа примопредавањето на работата. Сите вработени од „Топлификација“ преминуваат во „Балкан енерџи груп“, освен дел од менаџерите кои во иднина ќе располагаат со дел од киријата која „Балкан енерџи груп“ ќе ја плаќа за закуп на објектите (управна зграда, топлани, дистрибуцијата...).

„Балкан енерџи груп“ е основана од производителот на топлинска и електрична енергија ТЕ-ТО (руска компанија „Синтез“) од Скопје. Руската компанија „Синтез груп“ на полето на енергијата (гас, нафта и електрична енергија) работи веќе 25 години, свои инвестиции има во Европа, Азија и во Африка, каде работат повеќе од 10.000 вработени. Во моментов Синтез груп се натпреварува за преземање на грчката државна компанија за снабдување со гас ДЕПА.

Сопственик на Синтез груп е Леонид Лебедев, член на рускиот парламент.

А.Д.

Тешко е да се рзбере логиката на претседателот на руската влада, кога тој бара од украинската власт да воспостави нормален живот на окупирана територија.

повеќе

Ако има барем малку почит кон силата на аргументите согласно рационалистичката епистемологија, која се темели на логичките принципи за изведување заклучоци, власта треба да се откаже од ова тотално погрешно предлог-законско решение, со што ќе покаже доблест.

повеќе

Напротив, тука треба исправена кичма, многу знаење, мудрост, па дури потоа и храброст, за што има многу застапници. Кај идентитетските спорови се губи или добива се. Не е можно да се дели или да се даде, односно добие дел од идентитетот.

повеќе