„Скопско“ ги подари носиите за Галичката свадба

За педесетата јубилејна Галичка свадба Пивара Скопје АД и Скопско ги обезбеди свадбените носии за невестата и младоженецот.

Викендов по педесетти пат во Галичник ќе се одржи автентичната Галичка свадба, културно-сценска манифестација, единствена од ваков тип на нашите простори и пошироко. Покрај финансиската поддршка за организација на манифестацијата, како и пијалаци за учесниците, Пивара Скопје АД и Скопско годинава ги обезбедија нови носии за невестата Даница Тортеска и зетот Трајче Лозаноски.

Носиите се рачно изработени од вештите раце на жените од мијачкиот крај, карактеристична и богата со уметнички детали од срма и сребро. Невестинската носија која се состои од 46 делови тежи околу 25 килограми.

“Пивара Скопје АД и Скопско отсекогаш биле верен поддржувач на националните вредности и македонското културно наследство. Оваа манифестација игра огромна улога во зачувувањето на народните обичаи во нивната изворна форма и на тој начин секоја година придонесува за негување на македонската традиција и културните вредности. Затоа Пивара Скопје АД, со својот бренд Скопско секоја година се нејзин неодвоив дел“, изјави Маја Муратовска – Чанговска, претставник на Пивара Скопје АД.

Како ќе реагираат Рама, Ахмети и Села ако некој на маса им стави македонска платформа?

повеќе

Нашите умни, работливи и чесни граѓани заслужуваат да имаат излез на „море" што се нарекува светски пазар.

повеќе

Како што транспортниот систем ја дефинира структурата на урбаното „ткиво", така половата поделба ја дефинира структурата на општеството.

повеќе