Есенва „Суташ“ почнува со производство

Есенва турската компанија „Суташ“ ќе почне производство на млеко и млечни производи во од неодамна преземените капацитети на „Сведмилк“. Се очекува првата година да се вработат повеќе од 100 лица во „Суташ“, а кога инвестициите ќе завршат, бројката ќе достигне 250.

Мухарем Јилмаз

„Целта ни е да ги зголемиме пазарите во Македонија и во околните земји и да ја покачиме потрошувачката на млеко и млечни производи во регионот со иновациите, кои ние ќе ги претставиме за индустријата“, најави Мухарем Јилмаз, претседателот на групацијата „Суташ“.

„Суташ“ ќе се шири и во Албанија и во Косово, како и на пазарите во Европа. Од компанијата најавуваат дека ќе го зголемат капацитетот на преработка на млеко од 70 милиони литри годишно на 175 милиони. Во Македонија ќе се примени интегралниот работен модел „од трева до софра“, кој претставува гаранција за природноста и квалитетот на производите на „Суташ“. Тоа значи дека по изградбата на фабриките за млечни производи, нивните инвестиции ќе продолжат со изградба на фарми за млечно сточарство, фабрика за сточна храна и фабрики за рециклажа и за производство на енергија.

Јилмаз рече дека за да може да се развие толкав капацитет на производство на млеко во Македонија ќе се соработува со универзитети, производители, со другите соработници од секторот, како и со Владата на Република Македонија.

„Суташ“ е лидер за млеко и млечни производи во Турција, со промет од 650 милиони евра во 2011 година. На пазарот е присутен 37 години.

Македонскиот образовен систем од реформа до реформа оди од лошо во полошо. Институциите кои се должни да го надградуваат и подобруваат системот, да ги зголемуваат капацитетите на образовниот процес, немаат никаква намера да си ја исполнат улогата.

повеќе

Во документот на Меѓународната кризна група (МКГ) од 2012 година се потврдува дека „грчките барања немаат основа во меѓународното право". Но, во истиот извештај се зборува за легитимни „грижи" на грчката страна и се предлага билатерално име.

повеќе

Дипломатијата е значајна служба на секоја одговорна земја. Во нашиов случај, кога сме меѓународно оспорени, МНР мора да биде најфорсирана институција.

повеќе