„Флајдубаи“ од Скопје со два лета неделно за Дубаи

Авиокомпанијата од Обединетите Арапски Емирати ќе лета двапати неделно директно до Дубаи. Скопје е избрано да биде најновата дестинација на „Флајдубаи“ само неколку дена по прославата на тригодишнината од основањето. Со ова, мрежата на оваа авиокомпанија во централна и во источна Европа се прошири на 15 дестинации во 10 земји, што е најопсежно меѓу превозниците на Блискиот Исток.

Гаит Ал Гаит, извршен директор на „Флајдубаи“

Услугата од Скопје ќе биде достапна двапати неделно и ќе почне на 18 октомври со цена од 490 евра.

„Со задоволство денеска ја објавувам оваа нова линија. Таа уште подлабоко ја илустрира нашата посветеност при проширувањето на врските од Блискиот Исток до нови дестинации со кои историски не постоеја доволен број директни авиоконекции до Обединетите Арапски Емирати. Покрај тоа, Македонија низ светот има значителна иселеничка популација која сега ќе може почесто да ги посетува своите пријатели и семејства благодарение на врските преку нашиот транспортен центар во Дубаи“, изјави главниот извршен директор на „Флајдубаи“ Гаит Ал Гаит.

Летовите за Дубаи ќе оперираат двапати неделно, во понеделник и во четврток. Летот со ознака FZ792 ќе полетува од аеродромот "Александар Велики" во 13.25, а ќе пристигнува во Дубаи во 20.35 по локално време. Повратниот лет, со ознака, FZ791, е закажан да го напушти вториот терминал на меѓународниот аеродром во Дубаи во 9.15 часот, а да слета во Скопје во 12.40 часот по локално време.

Севкупните ефекти од политичката криза ќе го забават економскиот раст за оваа година

повеќе

Kонцептот на „летот на полските гуски" е многу поадекватен за Македонија и тоа го покажуваат протестите секој ден.

повеќе

Претходните протести, од 2009 наваму, ги дадоа предусловите за едни вакви протести како денешните да бидат можни. 

повеќе