Запомнете ги добро овие имиња - Бојан Стојановски (вокал), Дамјан Милановски (гитара), Ненад Вељковиќ (гитара), Ненад Тренчевски (бас-гитара) и Андреј Мициќ (тапани), или накусо името „Вандал“, кое ги обедини нивните таленти, симбиотично, во еден бенд. Бенд што наскоро ќе „пали и жари“ за почеток, низ Балканов.
„Иако се работи за многу млади музичари, сепак нивното музицирање звучи апсолутно сериозно, па токму затоа и се заинтересирав за овие млади момци, кои звучат, изгледаат и свират прекрасно. Успеав многу луѓе да ‘прелажам’ дека „Металика“снимиле нов албум. Имено, идејата ми беше токму таа!“, вели Валентино Скендеровски.
Дечките моментално работат на својот албум, кој ќе биде спакуван и модифициран како најпопуларниот и најпродаван албум на „Металика“ (The Black Album).
Едвај чекаме да го чуеме.
