„Расколник“ донесе 19 кривични пријави за перење пари

Полицијата денеска им поднесе кривични пријави за перење пари на деветнаесет приврзаници на Јован Вранишковски, расчинетиот македонски владика осуден за проневера на 250.000 евра од МПЦ.


Како што соопшти МВР на денешната прес-конференција, со тоа почнала последната фаза од акцијата „Расколник“.

Кривични пријави добија Ј.В.(46) од Битола, потоа против М.К.(34) од Штип и Д.Н.(34) од Скопје, Н.С.(33) од Скопје, М.Т.(39) од Скопје, К.П.(47) од Скопје, Ф.Х.(56) од Битола, М.И.(39) од село Нижеполе, О.М.(32) од Битола, З.Д.(33), М.П.(66), С.Б.(45) од Скопје, О.И.(39) и Г.И.(37) од Прилеп, Г.В(73), М.П.(41), И.П.(69) од Битола, Ф.Н.(38) од Скопје, В.Т.(63) од Скопје.

Шестмина од нив добија мерка притвор од 30 дена, а останатите ќе се бранат од слобода.

Кривична пријава е поднесена и против здружението на граѓани „Анастасија“, кое е формирано од приврзаниците на Вранишковски.

Според МВР, Вранишковски со своите соработници за да ги легализира проневерените пари од МПЦ, направил повеќе раситнети парични трансакции на сметката на здружението „Анастасија“, а истовремено купувал и недвижен имот.

Бил купен локал во трговскиот центар „Лептокарија“ во Скопје, плац од 5.000 квадратни метри во селото Нерези и плац од 4.000 квадратни метри во близина на Штип.

 

 

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе

Германија не го негира своетo фашистичко минато, ниту дека ја окупирала Франција, па следствено, не се ни менувани ни учебниците во обете земји, ниту се бришани делови од споменични натписи.

повеќе

Некогаш, долго после нашава посета на овој свет ќе се појави некој кој ќе го интересира нашиот престој тука.

повеќе