„Суташ груп“ годишно врти половина милијарда долари

Суташ груп“, новиот доминантен сопственик на банкротираната млекарница „Сведмилк“, е најголем турски производител на млеко и млечни производи, кој остварува годишен приход од 500 милиони долари.

 

Според официјалните информации, таа групација има два индустриски комплекси за производство на сточна храна, за одгледување крави, млекарници и погони за производство на свежо млеко и цела спектар млечни производи.

„Суташ груп“ во 2010 година во Аксарај во областа Анадолија инвестирал 90 милиони долари во комплекс во кој е заокружен целокупниот процес од производство на сточна храна преку производство на млеко до производство и дистрибуција на млечни производи. Според официјалните податоци на групацијата „Суташ“ има капацитети за производство на 500 милиони литри свежо млеко годишно и за производство на 250.000 тони концентрирана сточна храна наменета на нивниот сточен фонд и за повеќе од 40.000 кооперанти и фармери со кои соработуваат.

Освен производство на сточна храна и млеко и млечни производи, „Суташ Груп“ развила и сопствена логистика и дистрибуција. Во својата флота има повеќе од 1.000 возила кои дистрибуираат нивни производи кои се нудат на 78.000 продажни места на пазар на кои има 40 милиони потрошувачи.

Садик Јилмаз

Оваа групација е најголем производител на свежо млеко во цела Турција, а вработува вкупно 2.670 лица.

Компанијата „Суташ“ постои повеќе од 35 години и е основана од Садик Јилмаз кој фармерскиот бизнис го научил од својот татко, а во наследил и проширил заедно со своите браќа. Оваа групација е позната по силната соработка со научните установи во Турција во дејноста на земјоделското производство и одгледувањето добиток и производство на млечни производи.

Во тоа време направивме иновација. Прв почнав да произведувам кашкавал и да го пакувам во пакувања од еден килограм. Тоа беше новитет зашто сакав да ја зголемам продажбата. Воедно и да се справам со вишоците од свежо млеко. Во тој период , 1960 година, потрошувачите беа навикнати на бело овчо сирење и овој вкус им беше нов и невообичаен. Таа година произведов 30 тони кашкавал, но заради револуцијата и воената интервенција се случи нарушување на пазарот. Сепак најдовме пазар за кашкавалот. Во Истанбул на пазарите: Бешикташ и Аксарај“, изјавил во интервјуто дадено за магазинот „Бурса“, Садик Јилмаз во 2002 година.

А.Д.

Последната изјава на Меркел, дадена неодамна во Дубровник дека ќе помогне во решавањето на проблемот за името и идентитетот на нашата држава, може да биде добар знак за завршување на долгогодишниот спор. Но, според суштината на таа изјава, тоа може да биде лош сигнал.

повеќе

Расправијата дали Македонците и Бугарите се еден народ во две држави е безмислена и штетна за интересите на народите на двете земји. Вистината е проста и грда, но многу ни е потребна на сите.

повеќе

Минатонеделните демонстрации во Скопје и другите градови потврдија некои констатации во кои граѓаните на Македонија се соочуваат во оваа пост-рамковна Македонија.

повеќе