Се вратија пивата „битолско“ и „кенбах“

Битолската пиварница пак проработе. Од денес по маркетите низ земјава пак ќе се продаваат пивата „битолско“ и „кенбах“.

Пиварницата е реконструирана по германски проект, со најнова технологија за производство за пиво по германска формула.

Двете пива на пазарот ќе се појават во стаклени амбалажи од 0,33 и 0,5 литри и ПЕТ-амбалажи од 1,5 литар, кои ќе се продаваат по промотивни цени, со што ќе бидат конкурентни и достапни.

Фабриката има капацитети за производство на газирани сокови, кои се планира во следните денови да се појават под името „пел“ во амбалажа од 1,5 литар.

Блажо Димитров, сопственик на битолската пиварница, истакна дека за почеток пивата ќе бидат пуштени во продажба само во Битола, а потоа низ цела Македонија и во соседните земји.

Засега во пиварницата се вработени 80 лица, а во блиска иднина се планира вработување на уште 20 лица за производство.

Недостиг на квалитетен кадар во туризмот и угостителството... До кога?

повеќе

Македонските власти мора да престанат да го ограничуваат правото на движење на секој граѓанин без разлика каква боја на кожа има или на која националност ѝ припаѓа.

повеќе

Општо е познато дека една лага ако ја повторите сто пати, многу е веројатно таа да се прифати како вистина.

повеќе