Шпигл: антигерманско расположение во Грција (ФОТОГАЛЕРИЈА)

Одбивноста кон Германија во Грција расте поради перцепциите дека Берлин ѝ наметнува строги мерки за штедење на земјата. Оваа карикатура од Статис Ставропулос, познат грчки карикатурист, го прикажува Хорст Рајхенбах, германскиот „шеф“ на специјалната група за Грција во рамките на Европската комисија, како нацистички офицер, а Грците како негов пион.

Во четвртокот на насловната страница на грчкиот десничарски дневен весник Демократиа имаше слика на германската канцеларка Ангела Меркел како нацистка, со германски титл "Memorandum Macht Frei,", кој алудира на нацистичкиот слоган "Arbeit Macht Frei" („Работата те ослободува“), кој стоеше над портите на Аушвиц. Меморандумот е документот во кој се образложуваат предложените мерки за штедење што тројката сака да ѝ ги наметне на Грција.

На оваа слика грчкиот министер за финансии Евангелос Венизелос е портретиран како чувар од Аушвиц, кој бара „конечно решение“ за грчките сиромашни.

Ставропулос е еден од најпознатите карикатуристи во Грција. Дури и Њујорк тајмс неодамна ги објави овие карикатури. Тој од неодамна е целосно концентриран на германското влијание во Грција.

Знамето со свастика стана вообичаена глетка на грчките протести против злобните мерки за штедење што ѝ се наметнати на земјата.

Исто како и палењата на германското знаме. Широко е распространето мислењето дека канцеларката Ангела Меркел е движечката сила што стои зад барањата на Европската Унија за дополнителни мерки за штедење во Грција.

Тука, името на централата на Банката на Грција е сменето со име што го одразува тоа што го мисли мнозинството од народот.